Kooxda xag jirka ah ee uu mawqifkoodu fogaaday ee Islaamiyiinta ah ee ka dagaalama dalka Soomaaliya Ee Al Shabaab ayaa markii u horaysay ka hadashay amaradii ururkaa lagaga mamnuucay dalalka Britain, Canada Iyo Australia, waxaanay sheegeen in aanu Ururkooda wax dhibaato ahi ka soo gaadhi doonin go”aanada ay dalalkaasi qaateen.

Afhayeen u hadlay Al Shabaab oo lagu magacaabo Ali Mohamoud Raage, ayaa weriyayaasha ugu sheegay magaalada Mugdishu in aanay wax dhibaato ahi ka soo gaadhi doonin talaabadaa ay dalalkaasi ku dhaqaaqeen, hawlaha ururkuna ay caadigoodii u sii socon doonaan waa sida uu hadalka u yidhiye.

Sida laga warqabo dalka Britain ayaa dhawaan soo saaray amar uu dalkisa kaga mamnuucayi Al Shabaab, waxaanu xaaraantinimeeyay ka mid noqoshada iyo taageerida ururkaa oo ay ku sheegeen in uu yahay urur argagaxiso oo xidhiidh toos ah la leh AlQaacida.

Sidoo kale waxa iyana go”aan kan la mid ah qaatay dalalka Canada iyo Australia oo iyana kaga mamnuuceen dalalkooda ururkan iyaga oo sheegay dhamaan dalalkaasi in cidii u hogaansami weyda fulinta amarkan in laga qaadi doono talaabo adag oo ay ciqaab ku mutaysan doonaan.

Cabdiqaadir Maxamed Ciid

Himilo_10@yahoo.com

Xafiiska Wararka Ee Hadhwanaagnews,

Kampala/Uganda.